Svensk statsborgar stoppa på Ørje med 94 kilo tørka khat i bilen.
Ein svensk registrert bil som passerte på E-18 over Ørje tollstad fanga tollarane sin interesse om morgonen 7. januar.
Tollarane stoppa bilen og fann då ein bag og fleire sekkar, som mannen sa inneheld klede, i bilen. I staden for klede avdekka tollarane 94 kilo tørka khat.
Den svenske sjåføren vart levert til mannskap frå Øst politidistrikt etter tollbeslaget.
Kontakt: Seksjonssjef Gro Lene Gundelsby, telefon 476 43 999.
Tollarane fann heile 94 kilo tørka khat i bilen. Foto: Tolletaten.