Gå til innhold

[Utgått]Friddjabeassat el-fámu geavahandivvadis - ráddjen lobihis stádadoarjaga oažžumis

Buot fitnodagat main poastaadreassa lea Finnmárkkus ja čuovvovaš suohkaniin Davvi-Tromssas: Gálsa, Návuotna, Gáivuotna, Ivgu, Ráisá, Skiervá ja Omasvuotna.

Stuoradiggi lea dahkan mearrádusa, mii lea fámus suoidnemánu 1.beaivvi 2004 rájes, ahte rievdadit el-fámu geavahandivvada. Earret muhtimiid, de galget fitnodagat earret industriija ja báktedoaimmahusaid, máksit dábálaš el-divvada. Finnmárkkus ja Davvi-Tromssas leat addon dehálaš spiehkastusat dás. Ovdamearkka dihte lea strømma-lágideapmi buot viessodoaluide ja almmolaš hálddahusaide friddjabeassan divvada máksimis.

Seamma ládje leat ollislaččat friddjabeassan divvada geatnegasvuođas fitnodagat Finnmárkkus ja Davvi-Tromssas, earret go muhtin moaddásat. Danne sádde neahttaselskáhppi strømmarehkega alma divvada haga buot dán guovllu fitnodagaide.

Duššefal ásahusat main ovdamunni divvada friddjabeassamis gártá badjel 270 000 kr, galget divvada máksit 0,45 evrre juohke kWh ovddas. Dát 270 000 kr lea EØS-šiehtadusa rádji das mii lea lobálaš "mearkkašmeahttun doarjjan". Dán ruhtamearrái rehkenastet maid mielde dan jus lea mearriduvvon friddjabeassat máksimis divvadiid álbmotodjui (bargoaddidivat). Dan dihte go Toll-ja avgiftsdirektoráhtta ii dieđe makkár fitnodagaide mearrádusat gustojit, de sáddet dán reivve buot fitnodagaide Finnmárkkus ja Davvi-Tromssas.

Fitnodagat mat dáid meriid mielde galget máksit divvada 0,45 evrre juohke kWh ovddas, galget dieđihit neahtta-eaiggádii, vai sii sáhttet meroštit divvada strømmarehkegii. Fitnodagat mat galget máksit divvada, muhto eai dieđit, adnojit dego sii livčče ožžon lobihis stádadoarjaga. Nu lea sis ovddasvástádus dasa ahte liiggás olu doarjja galgá máksot ruovttoluotta.

Dán reivves leat mielde oasit Stuoradikki mearrádusas. Eambbo dieđuid rievdadusaid birra 1.b suoidnemánu rájes dahje ollislaš bajilgova njuolggadusain gávnnat neahttasiiddus www.toll.no dahje go válddát oktavuođa Tollregionen. Váldde áinnas oktavuođa Tollregionen i Nord-Norge.

Dearvuođaiguin

Suoidnemánu 1 b. 2004 rájes dahkkojedje čuovvovaš rievdadusat Stuoradikki mearrádusas dahkkon 26.b skábmamánus 2003, el-fámu geavahandivvada birra bušeahtta-termiidnii 2004 várás:

§ 1

Suoidnemánu 1 b. 2004 rájes galgá, lága vuođul dahkkon 19 b miessemánus 1933 nr 11 sierradivvadiid birra, máksojuvvot divat stádakássii 9,67 evrre juohke kWh el-fámu ovddas mii lágiduvvo dán riikkas. Adnojuvvo vuoliduvvon máksomearri 0,45 evrre juohke kWh ovddas go el-fápmu addojuvvo dáidda: a) industriija, báktedoaimmahat, buvttadit gáidduslieggasa ja bargomárkanfitnodagaide main lea industribuvttadeapmi. Vuoliduvvon máksomearri fátmmasta el-fámu mii geavahuvvo iešalddis dan buvttadanbargui, ja b) Finnmárkkus ja čuovvovaš suohkaniin Davvi-Tromssas: Gálsa, Návuotna, Gáivuotna, Ivgu, Ráisá, Skiervá ja Omasvuotna. Divat galgá maid máksojuvvot go váldá el-fámu iežas atnui. Departementa sáhttá addit njuolggadusaid lagabui ráddjema divatgeatnegasvuođas.

§ 2

Addojuvvo friddjabeassan, ruovttoluotta máksin dahje addo doarjja fápmo-divvadii čuovvovaččat mii addo: …….. k)viessodoaluide ja almmolaš hálddahusaide Finnmárkkus ja čuovvovaš suohkaniin Davvi-Tromssas: Gálsa, Návuotna, Gáivuotna, Ivgu, Ráisá, Skiervá ja Omasvuotna, l) earáide go viessodoaluide ja almmolaš hálddahusaide Finnmárkkus ja čuovvovaš suohkaniin Davvi-Tromssas: Gálsa, Návuotna, Gáivuotna, Ivgu, Ráisá, Skiervá ja Omasvuotna, jus lea nu ahte ovdamunni oktan mearkkašmeahttun doarjagiin, mii addui mearrádusas mas divvadiid dássi mearriduvvui jna álbmotodjui 2004 ovddas, ii mana badjel 270 000 kr 2004 ovddas. Departementa sáhttá addit njuolggadusaid ráddjema ja friddjabeassama eavttuid birra.